المسحراتي : يا شهيد يا نور القدس
أيام و بتعديو الاسر مش دايمكل استجابة لتحدىيا صاحي مش نايممكتوب على بواباتكانت اللي دايما مقاوم و مهما زاد العنادلكل فجر معاد
مسحراتي آخر الكلام
شعر : عبد المجيد راشد
دقيت على طبلتي
على طبلتي دقيت
و صحيت على ندهتي
و بندهتي صحيت
يا قلوب ملاها الشوق
للعدل و الحرية
يا طريق و مليان شوك
أرواحنا لسه عفيه
الفجر نوره و نداه
جوه زهور شيلاه
تنشر عبيرها ف هواه
تملا حياتنا حياه
دقيت على طبلتي
من قلب حلم اتولد
مسحراتي ليلاتي
سارح بطول المدد
الصوت يرجع صدى
و الصبر ابن الجلد
بدد يا نور عتمتي
طبطب على طبلتي
يروى الندى سكتي
و الحلم يطرح بلد
يا شهيد يا نور القدس
يا قلب عامر بالإيمان
يا اقوى من كل الجيوش
و أطهر من كل العروش
محسبتها بالقلم
حسبتها بالضمير
و بروح
واصلة السما بالأرض
يا شهيد يا سنة و فرض
المجد للأبطال
رافعين رايات النضال
في كل شارع و حي
يا شهيد يا أجمل ضي
يا شهيد يا صاحي و حي
شاهد على أنظمة
خاينة و عميلة ومجرمة
وراكعة للأعداء
أصل البلاء و الداء
المجد للشهداء
المجد للشهداء
رافعين رايتنا لفوق
مسحراتى الغضب
و الإحتجاج
و الشوق
الجدر مادد لفوق
يحلم بفك الطوق
من ليل غميق لشروق
والصوت يشق الحلوق
و الروح بتنسج
من الجروح موال
الليل طويل
لكن النهار جوال
يا ألف أه يا ليل
يا ألف أه يا عين
م القدس جرس القيامة
ينده على الاقصى
بأس الرجال الشديد
من البطل للشهيد
عارف بان الحديد
ما يفله الا الحديد
أيام و بتعدي
و الاسر مش دايم
كل استجابة لتحدى
يا صاحي مش نايم
مكتوب على بواباتك
انت اللي دايما مقاوم
و مهما زاد العناد
لكل فجر معاد
مسحراتى بطول البلاد
اصرخ ليلاتي
اصحوا و فوقوا
لكل آتى
رمضان كريم
شهر وعظيم
فيه العظات
و المعجزات
و الانتصار
الفجر لازم يولد نهار
و الصبح مولود من نور و نار
مسحراتى
و في انتظار
الأمة ترفع
راية انتصار
رمضان كريم
يا نايم اصحى
وحد الرزاق
إبراهيم عبد الفتاح يتنبأ بزلزال مصر في قصيدة قبل حدوثه بيوم واحد (الزلزال)
الشاعر: عبد المجيد راشد
عبد المجيد راشد شاعر مصري يكتب الشعر منذ سنوات بعيد، ويهتم بالقضايا العربية والإقليمية، هو شاعر مصري عروبي يجعل من كلماته سلاح للمقاومة العربية في زمن تخلت الأكثرية عن قضايا الوطن والمواطن.
هو أيضا محامي حقوقي وينتمي للأغلبية من المحامين الذين يتعاملون مع المحاماة كرسالة إنسانية قبل أن تكون مهنة، وهو سياسي مصري ينتمي إلى حزب الكرامة المصري.
