أنس دنقل يكتب: كيف تصبح إعلاميا ناجحا!!
لإعلامي الناجح صناعه امنية منذ نعومة اظافره درب ابنك عليها :روح ياواد شوف اخواتك بيعملوا ايه بره..روح شوف امك بتقول ايه لخالتك ع التليفون !!
صورة تعبيرية للمقال
مقدمة سخيفه لابد منها :
الإعلامي الحقيقي وسيله للتنوير واستجلاء الواقع بمختلف تناقضاته!
بهذا المفهوم الإعلام احد عناصر صناعة الثقافة والوعي بين الناس، لكن في وطننا السعيد، ورثنا الأعلام عن المرحوم جوبلز وزير اعلام هتلر والنازية..
وضع علوم المبني القابع علي كورنيش النيل
جنرالات التوجيه المعنوي لجنود الامن المركزي، ابتداء من حاتم في العصر الناصري السعيد
وليس نهاية بجنرال الفراش صفوت في العصر المباركي السعيد ايضا، بارك الله ذريتهم الابرار المنتشرين في أقبية غرف الاستجواب والتعذيب الي الفضاء الخارجي بمعناه الواسع المنمق..
إعلام: عبدالناصر ياحبيب بكره تدخل تل ابيب، لنصحو علي اسرائيل تختبئ معنا تحت اللحاف، وشها ف وشكك علي مخدة السرير!
اعلام البالونات،انفخ البالونة الي ان يرزقها الله بعيل اهبل معدي يغزها دبوس ،تفسي، اعلام الواقيات الذكرية المانعة للاخصاب في مجتمع جعلوه عاقرا !!
أنس دنقل يكتب: السلفيون والتنويريون في بلادنا!
أنس دنقل يكتب: كيف تصبح قوادا قديرا؟
ماذا تلد القطة سوداء الابوين سوي قط اسود
أسعي وصلي ع النبي، أعلام الكم وليس الكيف، زن علي دماغ الحمار وشخ في ودانه الي ان ينهق كما تشاء..
ساعات الليل طويلة؛شعب فاضي لاشغلانه ولامشغله الهوا معاك.
الله ينور ياعم المذبع حنجرتك وصوابعك تتلف ف حرير !
ياصديقي..لاتتخيل الامن وزارة داخلية الا كنت واهما..دول بكل مالهم وماعليهم..غلابة ياخدوا الفتات،يقفوا ع الكباري يلموا اللمون الواقع من الشجر !!
الامن عائلات، عائلات، أديب مرات لميس اخوه أديب، صلاح مرات اون تي في!
خبرة..ملايين واقبض..حج وعمرة للغلابة..بصي للكاميرا وزغردي ياحجه !!
ندخل في الموضوع..كيف تصبح اعلاميا ناجحا :
البدايه الامن والامن وحده، تطلع عيل اهبل تفتكر الامن ح صول المركز بتاعكم..لا..لا ياحاج..الامن اجهزه سيادية قاعدة ف التكييف،ماسكه الريموت..مش الغلابة بتوعنا اخرهم سجاره ونجز..لا يابوالخال!!
الإعلامي الناجح صناعه امنية منذ نعومة اظافره درب ابنك عليها :
روح ياواد شوف اخواتك بيعملوا ايه بره..روح شوف امك بتقول ايه لخالتك ع التليفون !!
يكبر الواد، يروح المدرسة، لما المدرس يزوغ م الحصة، يوقفه “ألفه” ع الفصل، يكتب اسماء العيال اللي بيتكلموا.
اوعي تكتب ابن الناظر خليك حسيس
لما تدخل الجامعة..انشاء لله خدمة اجتماعية زي عكاشه :اخبار الطلبه ايه؟؟شيوعيين ولاد كلب ولااخوان برضه ولاد كلب!!
الدكاتره اخبارهم ايه..وعلي لاظوغلي عدل..بس اوصيك تحسن البضاعه تحط ع المقطف حمل مايخسرش..ح تقولي مذاكرة وامتحانات، أنسي تليفون من أسيادنا، تطلع الاول و تتعين معيد حتي لوحمار
ولايهمك الزريبة واسعه تساع من الحبايب الف !!
بكره تكبر و تبقي دكتور او رئيس جامعة،ناخدك وزير ضمن خطة تصعيد الشباب!!
مش عاوز كده خليك معانا في الاعلام شغلانه ساهلة اسهل من شكة الدبوس..الجرايد الورق راحت عليها،بس معلش استحمل معانا..مرحلة تاخدها وتعدي عشان تاخد بس كارنيه النقابة..شوف لك وزير او مسؤول كبير والبد معاه وتبت..لمع فيه..صوروا وهو بيقص الشريط اي شريط..ومره وهو قاعد حاطط ايده علي خده زي امير الشعراء احمد شوقي..صور وانشر.. الباشا بيحب ياخد الصور البيت ..يفرجها للهانم والاولاد..باشوات البلد بيحبوا التصاوير !!
لوقلت للباشا تقعد جنب اينشتين ولاصحفي في مجلة ميكي وننشر لك خبرين في المجلة ح يجري ويقولك ميكي، ميكي انت صديقي.
برضو لاتنسي الامن الأجهزة الأمنية درجات، حاول بكل الطرق تصعد للمستوي الاعلي، نافق، ادبح،اعمل خدك مداس، مفيش حلاوه من غير نار
احلامهم اوامر لوطلبوا تقطع رقبة ابوك، أقطع رقبته، ايه اخدت منه ابن الكلب غير الفقر دوس عليه بالبلغة القديمة، ده اعلام مش لعبة
ياولدي !!
الخطوة التانية
عايزك تخش ع التلفزيون سيبك م القنوات الحكومية ماتاكلش عيش خليك في اعلام رجال الاعمال، عينك علي سويرس وعينين اللي عندهم الزبد!
ح يقولك مش عاوزين مذيعين قول اشتغل في الاعداد بعدين تفرج اخبط المذيع ولاالمذيعه زنبه عند الامن ولايهمك اوصيك:
اصعد على جثة ابن ابيك!!
رجال الاعمال مصالحهم تحت رجلين الامن والسمع والطاعة!
نخش علي فنيات شغلانة المذيع :اتفرج علي ائمة الكفر بتوع القنوات
اقرا مقالات رؤساء تحرير الصحف القومية، ناس خبرة.
فاكر العروسة والعريس في فيلم عادل امام، العروسة الخبرة، رئيس تحرير “خبرة” احفظ كلامه، كلام ف البلموطي، لا لون ولامعني، ارغي فيه زي حالاتي!
بعدين احسن اختيار موضوعاتك يعني لو الناس بتتكلم عن الغلاء استضيف ست خانت جوزها مع الميكانيكي وقتلوه، موضوع ياكل مع البهايم ويسمع!
ذكري ٢٥ يناير :
أحكي والعن ابو الواد بتاع البلالين، بعدين ماتشغلش بالك قوي بالمواضيع والكلام ح يجيك جاهز ومكتوب من عند أسيادنا
انت بس تسشور شعرك وتنتف خدك وتخش ع المكياج، نجيب لك جوز لواءات معاشات “خبرة” يقولوا البلالين جابها الموساد والعيال دي عملاء للموساد!
اعمل زيطه من مفيش البهايم كتير وبتصدق الموضوع بسيط وتاكل من وراه بغاشة وادعي لي !!
