المسحراتى (8)
مصر الأمل و النورغير مصر الضلام و السورباب الأمليطرح نهار و زهورباب الضلاميحاصر الحلم الجسوريا شمس يا مغيمةيا ضباب يا مالي السمايا ليالي يا معتمةيا رؤية صابها العماالنور هيطلع نهارهو الحلم عارف مدارهو مهما لفوا و دارواهنغنى يوم انتصاره
مسحراتي آخر الكلام
” إلا جراح الوطن “
دقيت على طبلتي
على طبلتي دقيت
و صحيت على ندهتي
و بندهتي صحيت
يا قلوب ملاها الشوق
للعدل و الحرية
يا طريق و مليان شوك
أرواحنا لسه عفيه
الفجر نوره و نداه
جوه زهور شيلاه
تنشر عبيرها ف هواه
تملا حياتنا حياه
دقيت على طبلتي
من قلب حلم اتولد
مسحراتى ليلاتى
سارح بطول المدد
الصوت بيرجع صدى
و الصبر ابن الجلد
بدد يا نور عتمتي
طبطب على طبلتي
يروى الندى سكتي
و الحلم يطرح بلد
” إلا جراح الوطن “
كل الجراح بتهون
الا جراح الوطن
ساكنة ف نبض الروح
و معششة في البدن
يا قلوب يا متشوقة
يا حروف ما بين السطور
سكتنا مهما الشقى
حتما يصيبها الدور
الحلم مهما اتخطف
طالعة فروعه جدور
الصبر مهما طال
آخر عذابه نور
مسحراتي الوطن
و الحلم و الموال
يا أه
يا عين
يا ليل
مصر الأمل و النور
غير مصر الضلام و السور
باب الأمل
يطرح نهار و زهور
باب الضلام
يحاصر الحلم الجسور
يا شمس يا مغيمة
يا ضباب يا مالي السما
يا ليالي يا معتمة
يا رؤية صابها العما
النور هيطلع نهاره
و الحلم عارف مداره
و مهما لفوا و داروا
هنغنى يوم انتصاره
مسحراتى و انادى
يا ولادى يا احفادى
رمضان كريم
شهر و عظيم
فيه العظات و المعجزات
و الانتصار
الفجر لازم يولد نهار
و الصبح مولود من نور و نار
مسحراتى و ف انتظار
الأمة ترفع راية انتصار
رمضان كريم
يا نايم إصحي
وحد الرزاق
