المسحراتى
مسحراتي بطول البلادأصرخ ليلاتيأصحوا و فوقوا لكل آتىرمضان كريمشهر و عظيمفيه العظات و المعجزات و الانتصارالفجر لازم يولد نهارو الصبح مولود من نور و نارمسحراتى و ف انتظار الأمة ترفع راية انتصار
مسحراتي آخر الكلام
المسحراتى :
بكرة اللي جاي
دقيت على طبلتي
على طبلتي دقيت
و صحيت على ندهتي
و بندهتي صحيت
يا قلوب ملاها الشوق
للعدل و الحرية
يا طريق و مليان شوك
أرواحنا لسه عفيه
الفجر نوره و نداه
جوه زهور شيلاه
تنشر عبيرها ف هواه
تملا حياتنا حياه
دقيت على طبلتي
من قلب حلم اتولد
مسحراتي ليلاتي
سارح بطول المدد
الصوت يرجع صدى
و الصبر ابن الجلد
بدد يا نور عتمتى
طبطب على طبلتي
يروى الندى سكتي
و الحلم يطرح بلد
بكرة اللي جاي “
لما سال دمى ف شوارعك
تنكريه ؟
لما طال صوتي ف ميدانك
تكتميه ؟
لما قرب حلمنا يبقى حقيقة
تخنقيه ؟
لما يصرخ قلبي بهتاف
تسجنيه ؟
هو انتي ايه
ما بتفهميش
كل ما النور يدخلك
من باب و شيش
ما تفتحيش
هوه انتي ايه
ما بترحميش
على كل حال
انا مش ها ابطل حلم
مهما يطول غيابك
مهما تقفلي ف وشوشنا بابك
مهما تحبسي ف الليل شبابك
تفهمي
متفهميش
انا اللي بكره جي
جايب معاه الضي
تصدقي
متصدقيش
ميهمنيش
مسحراتي الوطن
و الحلم و الموال
يا أه
يا عين
يا ليل
ومن عصابة لعصابة
و من وحوش لديابة
مخطوف يا حلم السنين
ومهما زاد الألم
و مهما نزف القلم
لكل فجر أنين
و لكل حلم أوان
من الميدان للميدان
أرحام و شايله جنين
جاي النهار في معاد
بنات في ايد اولاد
شايلين علم بروحين
و مهما زاد العناد
لكل فجر معاد
مسحراتي بطول البلاد
أصرخ ليلاتي
أصحوا و فوقوا لكل آتى
رمضان كريم
شهر و عظيم
فيه العظات و المعجزات
و الانتصار
الفجر لازم يولد نهار
و الصبح مولود من نور و نار
مسحراتى و ف انتظار
الأمة ترفع راية انتصار
رمضان كريم
يا نايم أصحى
وحد الرزاق
