المسحراتى : فرض الجهاد م العبادة
ما تلاقى نقطة مضيئة غير المقاومة الجريئة على طريق الشهادة فرض الجهاد م العبادة عاش الطريق للشهادة يرفع رايتنا لفوق
مسحراتي آخر الكلام
المسحراتى : فرض الجهاد م العبادة
شعر : عبد المجيد راشد
دقيت على طبلتى
على طبلتى دقيت
و صحيت على ندهتى
و بندهتى صحيت
يا قلوب ملاها الشوق
للعدل و الحرية
يا طريق و مليان شوك
أرواحنا لسه عفيه
الفجر نوره و نداه
جوه زهور شيلاه
تنشر عبيرها ف هواه
تملا حياتنا حياه
دقيت على طبلتى
من قلب حلم اتولد
مسحراتى ليلاتى
سارح بطول المدد
الصوت بيرجع صدى
و الصبر ابن الجلد
بدد يا نور عتمتى
طبطب على طبلتى
يروى الندى سكتى
و الحلم يطرح بلد
————-
فرض الجهاد م العبادة
عاش الطريق للشهادة
طريق ما تعرفوش
غير القلوب الطاهرة
و العيون الساهرة
لحماية الامة
طريق ما تعرفه
انظمة عميلة
ذليلة و عويلة
قطاع طرق للعدل و الحرية
عصابات و بايعة القضية
عصابات و حاكمة الأمة
تنهبها بس بذمة
تقهر شعبنا بهمة
من الخليج للمحيط
القهر بحره غويط
سجون تجر سجون
و عيون تسلم عيون
حصار يجر حصار
و من مرار لمرار
ما تلاقى نقطة مضيئة
غير المقاومة الجريئة
على طريق الشهادة
فرض الجهاد م العبادة
عاش الطريق للشهادة
يرفع رايتنا لفوق
مسحراتى الغضب
و الإحتجاج
و الشوق
الجدر مادد لفوق
يحلم بفك الطوق
من ليل غميق لشروق
والصوت يشق الحلوق
و الروح بتنسج
من الجروح موال
الليل طويل
لكن النهار جوال
يا ألف أه يا ليل
يا ألف آه يا عين
يا أمة لا تحزنى
الفجر جايب معاه الندى
و الصبح متحنى
و كل يوم بيمر
مهما يزيد الألم
و ندوق معاه المر
تتعدل المواعيد
و تقربك يا بعيد
طول مع الأيادى ايد
طول ما الإرادة حديد
و نغنى صحبة نشيد
واحد ملوش تانى
الأوله آ آهــــــــه
و التانية جراحــة
و التالتة عاش السلاح
حاضن قلوب فرسان
ما يعرفوش راحة
ومهما زاد العناد
لكل فجر معاد
مسحراتى بطول البلاد
أصرخ ليلاتى
اصحو و فوقو
لكل آتى
رمضان كريم
شهر و عظيم
فيه العظات و المعجزات و الانتصار
الفجر لازم يولد نهار
و الصبح مولود من نور و نار
مسحراتى و ف انتظار
الأمة ترفع راية انتصار
رمضان كريم
يا نايم اصحى
وحد الرزاق
رابط المقال المختصر:
شاركنا برأيك