بين الفن والدعم والكباب !!
ذهب ليلا الي النادي اليوناني..فوق روف احدي عمارات ميدان طلعت حرب.. عمارة جروبي..نسهر وناكل !!في احد الليالي ..اتصل بالشاعر ..مطرب شعبي شهير... نجم لمعظم افلام سعاد حسني وغير خالتك حسني
صورة تعبيرية للمقال
منتصف سبعينات القرن الماضي..ضابط احتياط باحدي الوحدات العسكرية بالقاهره..
اخرج في المساء مبيت اوتزويغ سيان..الف وادور في الشوارع والازقة وانام في فنادق وسط البلد الرخيصة !!
صديقي شاعر عامية صعيدي شهير وكاتب اغاني..بالمناسبة ليس من تعرفوه !!
كريما متلافا..الرزق واسع ووفير..
نذهب ليلا الي النادي اليوناني..فوق روف احدي عمارات ميدان طلعت حرب.. عمارة جروبي..نسهر وناكل !!
في احد الليالي ..اتصل بالشاعر ..مطرب شعبي شهير… نجم لمعظم افلام سعاد حسني وغير خالتك حسني ..
–عازمك ..عاوزين نتعاون مع بعض..عايز اغاني صعيدية زي اللي بيعملها الابنودي لرشدي ومكسره الدنيا ..هو مش احسن مني !!
يرد :معلش ..معايا صديق..
— تشرفوا وتانسوا..
–فرجت ياعم سهرة حلوة بلوشي..
شقه المطرب :
الالتيه قاعدين ف الصاله ..ملحن مغمور ..المطرب ومراته وباروكته لابسه دماغه اوالعكس..وصلنا بسلامة الله وتوفيقه !!
نزلت الخمره والمزات اللي يحبها قلبك !!
حشيش يتلف بصوابع عازف عود رفيعة مرهفة.. تتلف ف حرير!!
افيون ناس بتبلبع..ناس سكره تغلي افيون ف كنكه !!
التيه يدوزنوا..عمك الكروان بيشجي..يغني من فوق ومن تحت من اعماق اعماق فتحة مابين فخذيه..الله الله يافنان !!
شوية حضرت لفات الكباب الريش الضاني والحمام المحشي ..اكوام اكوام ..
أنس دنقل يكتب: خواطر مجنون لاداعي لقراءتها!
أنس دنقل يكتب:انا والحمار وهواك!
بيني وبينكم اعتراف :
نقطة الضعف الوحيدة في حياتي منذ الطفولة حتي الان نتيجة الفقر الدكر : الريش الضاني..اعطني ريشة ضاني..اعطيك حياتي ..مدمن ريش !!)
القعدة سلطنة ومزاج وغني وهزار ..لسه بدانا نمزمز في الريش بعيد عنكم..الا بواب العماره ابن الكلب طالع زاعق من تحت :
–ياباشا ياباشا..(للمطرب)
–ابن حضرتك في القسم..مسكوه في غرزة !!
اتقلبت القعده غم..الريشه وقفت في زوري..اللي بيلف سيجارة حشيش دابت بين شفايفه !!
اخونا البغل الفنان..اتنرفز..حدف الباروكه من دماغه لتبدو حمراء وبيضاء من غير سؤ..
اتقندلت الليلة..باظت السهرة !!
دقائق حداد كئيبة..يقطعها شاعر العاميه ليجعل الله الفرج علي يديه..هتف :
–فايزه احمد..فايزه احمد..صاحبة فايده كامل .. مرات وزير الداخلية _النبوي اسماعيل وقتها
اتصل بالمطربة الكبيرة..حظه حلو ردت ع التليفون..اخبرها بالموضوع..قالت :قول له اطمن..
مكالمتها نزلت بردا وسلاما علي قلوب قوم مؤمنين !!
لكن الحمام وريش الكباب حتبرد..تلك هي المأساة..كما يقول شكسبير !!
(ليس من قواعد اتيكيت النفاق عند الطبقات العليا امثالنا ..ان ناكل قبل ..ان ياتي ابن الكلب بالسلامة!!)
دقائق معدودات مرت كانها دهر..قبل ان يهبط علي مجلسنا ..الباشا ضابط..رتبة كبيرة ..بصحبته حيلة امه وابوه..شرفت ياغالي..نورت الزريبة..دخل الباشا لينفجر الكروان في ضناه :
–خير ربنا كتير ..رايح تصيع بره ليه …ايه اللي بره معندناش يابني..خمرة اهي..حشيش..اهوه..مخدرات..اهي!
اهم قواعد علم الصياعة :
وفر لابنائك أجواء الانحرافات المنزلية حتي لايضطروا للانحراف خارج نطاق الملاحظة الابوية !!
احاول جاهدا تلطيف الاجواء المشتعلة بالتوتر !!
استدعي الباروكه من الكنبة البعيدة..البسها لراس الفنان التي تشبه الكرنبه البايتة الحرشة جنب الزير !!
–صلي ع النبي ..صلي ع النبي يافنان..اهدا يافنان..
يستطرد الفنان منفعلا:
–انا وامك الست العظيمه دي اتن…..عشان تربيك ونعيشك في العز. ده كله!!
ننظر بانبهار واعجاب شديد لامه..
(الست العصامية العظيمة اللي ات…عشان تربي المحروس …ونعم التربيه ياولاد!!)
الباشا الظابط ..اتفضل علي طول دخل زي بيتهم..ع الحمام والكباب عدل..
في ناس شايله اللوز ..سيادته شايل المرئ والبلعوم واللوز وجميع القنوات الهضمية كساحة..
(ايامها كنت شباب ..يعني عشرة كيلو ريش يدوب يمسحوا زوري..في القعدة!!)
سعادته فتحة زوره لها نفس خواص زور التعبان تتمدد لتصبح في اتساع خروف حي بفروته في الرمية الواحدة ..
انا مدمن ريش فقط لاغير ..سعادته خبره بتاع كله..حمام..خمره.. ريش.. مخدرات..يبلبع الريشة ببقين ويسكي..يحبسها بنفسين حشيش..
(كشفت راسي واتجهت في الكلب ابن الكلب..الواد ابن الكلب..حبكت النهار ده ..يروح غرزة..كان راح امبارح ولابكره..راح علي قدري..ضيع الكباب..الكلب..ابن الكلب !!)
الباشا ياكل ويسكر ويحشش ويافين..قوة قتل ثلاثية !!
يشتم ع العيال الصيع ولاد الكلب بتوع بولاق الدكرور وهو بيلهط ..مفيش وقت عنده يكمل :
–بوظوا اولاد الناس المحترمين زينا
–فعلا ياباشا.. !!
(الباشا خبره ياناس..الواد جابوه من غرزة..يعني احنا بالصلاه ع النبي ..قاعدين في حلقة ذكر صوفي بنسمع النقشبندي!!)
— امال.. بالتأكيد احلي جهاز شرطة ف العالم !!
الباشا كسح السفره والمشهيات والمخدرات .. ومااسكر كثيره وقليله..
استاذن..قبل ان يمشي صاح:
— اي اوامر يااخوانا..بس السواق والحرس تحت..عن اذنكم ناخد لهم حاجه.!!
لطش كل ماتبقي من كباب وحمام وسلطات ومزات حتي العيش المعمول بحبة البركه
حضرتي بحركة خباثه..
–عنك ياباشا..عيب مايصحش..البواب ينزلهم..انا انزلهم للسواق..
(عارف ان مفيش حاجة ح توصل لابن عمنا السواق الغلبان!)
الباشا اكثر خبثا مني ..يرد: — مش ممكن ..
اصر علي ان يحملهم هو شخصيا..متواضع ياناس..الدعم: الحمام ..الكباب لن يصل لمستحقيه..متاكد..
(الباشا حيودي الكباب للمدام..يصحيها من النوم..وتفرح له بدخله..حار ونار في جتته البعيد وجتتها وجتة اللي خلفوها !!)
من يومها اصبحت شديد التاكد ..ان الدعم لايصل لمستحقيه !!
اوصلته للباب..بدلا من ان يركب الاسانسير اوينزل السلم..اندفع ليطلع السلم لاعلاه ..
استئذنت بعده..السهره باظت ياجدعان ..الكباب ضاع..وضاع العمر والكباب ياولدي..ضيعه الواد ابن الكلب بتاع الغرز وظابط الغرز.. جاته ريشه في زوره بالعرض ماتنزل يارب ولاتطلع ولا ببوليس النجدة..لم يبق الا الرحيل ..اسألك الرحيلا !!
مرت سنوات وسنوات طويلة.. اشاهد برنامج تليفزيوني يناقش تمثيلية دينية عن احد الصحابة الابرار ..لقاء مع مؤلف السهرة السيد اللواء..يتكلم..عليه سيماء اولياء الله الصالحين..
نفسه..هو نفسه..الباشا اكل الحمام والكباب..شارب الخمرة..حاضر مجلسها عليه اللعنة!!
ايام وناس طيبين..الفاتحه لروحهم اجمعين ………….. امين..
