محمد عطا يكتب: حتى لا تتحول موجة الحر إلى خطر يهدد الأرواح والمنازل
عاشت البلاد أجواءً شديدة الحرارة، خاصة في محافظات الصعيد، حتى قبل الوصول إلى ذروة فصل الصيف، مما ينذر بأن الأسابيع المقبلة قد تكون أكثر قسوة
حريق أحد المنازل نتيجة موجة الحرارة (وسائل التواصل)
لم تعد موجات الحر مجرد ارتفاع عابر في درجات الحرارة، بل أصبحت ظاهرة تفرض تحديات حقيقية على حياة الناس وسلامتهم.
ففي الأيام الماضية، شهدت دول عديدة حول العالم درجات حرارة قياسية، وأسفرت في بعض المناطق، ومنها فرنسا وعدد من الدول الأوروبية، عن وقوع وفيات وإصابات مرتبطة بشدة الحر.
محمد عطا يكتب: معبد كلابشة إعمارْ أم دمارْ؟
أما في مصر
فقد عاشت البلاد أجواءً شديدة الحرارة، خاصة في محافظات الصعيد، حتى قبل الوصول إلى ذروة فصل الصيف، مما ينذر بأن الأسابيع المقبلة قد تكون أكثر قسوة.
ومع هذا الارتفاع الكبير في درجات الحرارة، يزداد الاعتماد على أجهزة التكييف باعتبارها وسيلة أساسية للتخفيف من وطأة الحر.
غير أن كثرة الاستخدام تستوجب الالتزام بقواعد السلامة والصيانة، إذ إن الأعطال الكهربائية أو سوء الاستخدام قد يؤديان إلى حوادث مؤسفة يمكن تجنبها باتخاذ الاحتياطات اللازمة.
وقد أعادت بعض الحرائق التي شهدتها البلاد مؤخرًا التذكير بأهمية الوعي بإجراءات الوقاية، والاستعداد للتعامل الصحيح مع حالات الطوارئ، حفاظًا على الأرواح والممتلكات.
ومن هذا المنطلق، نستعرض في هذا المقال أهم الإرشادات والنصائح التي تساعد على استخدام أجهزة التكييف بأمان، وتقلل من مخاطر الحرائق والأعطال الكهربائية، خاصة خلال أشهر الصيف شديدة الحرارة.
وماذا تفعل اذا بالفعل نشب الحريق سواء عندك ام عند جارك؟
عليك باتباع الاتي اولا تشغيل التكيف في البيت او العمل علي فترات مختلفة وليس علي الدوام طيلة اليوم دون فصل الجهاز لفترات متقطعة.
وعلي فكرة انا بقالي اسبوع ومن ساعة ما شوفت فيديو حريق العمرانية وأنا مش قادر أتخطاه.
مش قادر أتخطى استنجاد الأهالي بالناس، شوفت مناظر مرعبة، تخيلت الناس دي كانت حاسه بايه قبل ما تفارق الحياه.
عشان كدا بعد إذنك الحاجات اللي هقولك عليها دي لازم تكون في بيتك ولا غنى عنها:
وقبل ان تقع الفأس في الرأس ويحدث الحريق وعلي طريقة الوقاية خير من العلاج فعليك باتباع الاتي :
1. طفاية حريق من ٦ لـ ١٠ كيلو، ولازم تكون في مكان واضح وسهل الوصول ليه، واتفرج على فيديو تشوف طريقة استخدامها.
2. بطانية إطفاء حرائق، وخليها دايما جمب المطبخ، ودي وظيفتها انها بتخمد النار لو اتحطت فوقها مباشرة عكس البطانية العادية.
3. حساس دخان، ودا مهم جدا عشان لو حصل لاقدر الله حاجه وانت نايم تديك تنبيه وتصحيك ويبقى عندك وقت تتصرف.
4. حساس الغاز، ودا عشان لو حصل لاقدر الله أي تسريب في الغاز الحساس دا هيلقطه ويديلك تنبيه ان فيه تسريب.
5. حاول لو انت ساكن في دور عالي تجيب سلم مصنوع من الخشب والحبال عشان تستخدمه في حالات الطواريء وخليه جمب البلكونة.
إحنا بنعيش موجات حرارة غير مسبوقة، ودا بيزود إحتمالية حدوث الحرائق.
الموضوع مش رفاهية دي أولوية إبدأ فيها من دلوقتي، الموضوع أمان ليك ولأهلك.
ربنا يحفظ الجميع، ويرحم كل من فقدناه، ويحفظ بيوتنا من كل سوء.
