(شاعر مجنوون) قصيدة مصطفى البحر

يمكن اكون مجنون
يمكن اكون شاعر .
مافيش شيئ مضمون
حتى في كسر المشاعر
ربك كريم وحنون
يا كل ظالم وفاجر
…………

جبر الخواطر بيدخل الجنه
مين الي يقدر يصبر و يستنى
ياتمر حنه أنا قلبي عاشق
جوايا عالم م العواشق
والعين صابتني والسهم راشق
وانا قلبي عارفه دايما مغامر.
يمكن اكون مجنون
يمكن اكون شاعر
………….
ادخل وسمي وقول امين
جوه مني ومن سنين
حواديت كتير مع ناس تانين
فسر وشوف
واقرا الحروف
حتلاقي موسى وبن يامين
ادخل كمان تسمع أدان
تقلع مداسك تنتشي
تلقى الحسن ويا الحسين
ادخل وسمي وقول امين.
كلها حكايات سيدنا الشاطر.
يمكن اكون مجنون
يمكن اكون شاعر….
………….
قلع الاراجوز وشه البويا
الناس اتخضت من المنظر
اللحمه بالفول الصويا
ورمضان داخل ومنور
وحياه غلاوه امي وابويا
ل حقول كلام شهد مكرر
أنا وابن عمي على اخويا
والحلم لازم يتفسر
القدس لبست منديل اويا
ولا عمر حاجه حتتغير.
اصبر كمان حبه يا غلبان
ربك عالم وقادر
يمكن اكون مجنون
يمكن اكون شاعر