المسحراتى (10)
أفتح كتاب الوطنباب البطولة و الفداءو أحفر اسامى الكباركل اللي لبوا النداءمن أول اللي اتنسواو لآخر الشهداء
مسحراتي آخر الكلام
أفتح كتاب الوطن
دقيت على طبلتي
على طبلتي دقيت
و صحيت على ندهتى
و بندهتى صحيت
يا قلوب ملاها الشوق
للعدل و الحرية
يا طريق و مليان شوك
أرواحنا لسه عفيه
الفجر نوره و نداه
جوه زهور شيلاه
تنشر عبيرها ف هواه
تملا حياتنا حياه
دقيت على طبلتي
من قلب حلم اتولد
مسحراتى ليلاتي
سارح بطول المدد
الصوت بيرجع صدى
و الصبر ابن الجلد
بدد يا نور عتمتي
طبطب على طبلتي
يروى الندى سكتي
و الحلم يطرح بلد
أفتح كتاب الوطن
باب البطولة و الفداء
و أحفر اسامى الكبار
كل اللي لبوا النداء
من أول اللي اتنسوا
و لآخر الشهداء
اكتب حروف من نور
و احفرها أرض و سماء
لا تنسى فى الهامش
تشير لاصل الداء
مزورين كدابين
بيزيفوا بأهواء
و ديابة تسرق تاريخ
او تدفنه فى صحراء
لكن بييجى اليوم
و لكل داء دواء
تشع شمس الحق
من الالف للياء
و الظلام للشروق
مسحراتى الغضب
و الإحتجاج
والشوق
بحلم بفك الطوق
من ليل غميق لشروق
والصوت يشق الحلوق
و الروح بتنسج م الجروح موال
الاوله اه
والتانية اه
والتالتة اه
الاوله دمنا
والتانية همنا
والتالته حلمنا
الاوله دمنا واصل السما بالارض
و التانية همنا جوانا طول و بعرض
والتالته حلمنا مكتوب علينا و فرض
الأوله دمنا واصل السما بالأرض و حي يا شهيدنا
والتانية همنا جوانا طول و بعرض ولا عدو يكيدنا
و التالتة حلمنا مكتوب علينا و فرض نبنيه بسواعدنا
الاوله دمنا واصل السما بالأرض و حي يا شهيدنا و القصاص مكتوب
و التانية همنا جوانا طول و بعرض و لا عدو يكيدنا لو الطريق محسوب
والتالتة حلمنا مكتوب علينا و فرض نبنيه بسواعدنا ولا نتوه فى دروب
الاوله اه
والتانية اه
والتالته اه
و مهما طال البعاد
ومهما زاد العناد
مسحراتى بطول البلاد
اصرخ ليلاتى
اصحوا و فوقوا
لكل اتى
رمضان كريم
شهر و عظيم
فيه العظات
و المعجزات
و الانتصار
الفجر لازم يولد نهار
و الصبح مولود من نور و نار
مسحراتى و فى انتظار
الأمة ترفع راية إنتصار
رمضان كريم
يا نايم إصحى
وحد الرزاق
