د. كمال مغيث يكتب: أغانى الشوق والحنين

مهداة إلى ندى وأشرف بمناسبة عيد الحب

فى زيارة ندى الأخيرة بالطبلية لأشرف، وكان رجال الأمن لًطاف هذه المرة، سألوهم وهم فى سلام الوداع، ألن تطلبوا الزيارة الخاصة يوم 14 فبراير، ولما تساءلوا: إشمعنى؟ قالوا لهم: ألا تعرفوا أنه عيد الحب؟ فردوا معا: لا ..
فهل ندى وأشرف متحابان فعلا؟ أقول نعم نعم بكل تأكيد، فأنا أعرف حالات المحبين: أعرف كيف تحضن الأعين خطوات الحبيب وهو يسير مبتعدا؟، وأعرف كيف يتورد الوجه حين يكون موقنا أن رنة جرس الباب هذه بيد الحبيب؟، وأعرف لمعة العيون حين يدخل الحبيب من الباب؟ وأعرف دقات القلب وهى تعد خطوات الحبيب حين يقول: أنا خلاص فى أول الشارع، وأعرف حين نلتقط الصورة التذكارية للقاء كيف يتحايل الحبيب ليكونا معا متجاورين ومتلامسين.. وغير هذا كثير أفضل أن أحتفظ به
وفى البداية أعتذر لندى حبيبة قلب بابا، لأننى أعرف أنها تحافظ على خصوصيتها، وتحرص فيما يتعلق بشئونها على التمييز بين العام والخاص، ولكن مالحيلة ياروحى وقد دفعنا القهر والسجن دفعا للحديث عن أوقاتنا وأموالنا وعلاقاتنا، والزيارة والطبلية مع الأمن ومع المحامين ومع الناس
وأحب أن أبدأ بتلك الأغنية التى تحفظها ندى وتغنيها بإحساس وشجن من كلمات مأمون الشناوى ولحن محمود الشريف، وتقول: “هاتو الورق والقلم يللى وحشتونى/ يشكى مرار الألم من يوم مافتونى/ أحبابى من بعدكم النوح ودمع العين/ وسألت عن قربكم إزاى وأمتى وفين؟/ قالوا التلاقى قسم وياخوفى تنسونى”
أما محمد عبد الوهاب فيغنى من ألحانه وكلمات الشناوى أيضا: “من أد ايه كنا هنا من شهر فات ولا سنة/ أيام ما كنا لبعضنا والدهر غافل عننا/ مريت هنا واشتقت اليك ولساعة من عمرى هنية/ والبدر وانت وضى عنيك بينورو الليل حواليه/ والنسمة بتودينى عليك وتعطفك تانى عليا/ تعالى على صحى أمل نايم تصحى على إيديك أفراحه/ تعالى شوف قلبى الهايم من نار حنينه وجراحه” ويغنى عبد الوهاب أيضا من لحنه وكلمات حسين السيد: “إفتكرنى يللى قلبك مش فاكرنى افتكر يوم وافتكرنى/ افتكرنى فى غروب الشمس والليل بيناديها/ والأمانى وهى رايحة وراح نصيب العمر فيها/ الشمس دى أملى أنا اللى ف هواك راح وانفنى/ افتكرنى فى ربيع الورد لما عيونه تبكى/ والحبايب عارفه جرحه ويسألوه من إيه بيشكى/ الورد ده قلبى انا اللى انجرح بك وانضنى/ ابقي ضمه وافتكرنى” ومن لما انت ناوى لأبو بثينة يغنى عبد الوهاب أيضا: “بالليل اسيب نفسى لهمى ولأفكارى/ واقول لنفسى دا مش ممكن راح يسلانى/ القى البعاد طول أولع وتزيد نارى/ اشوف خيالك فى الوحدة جه قدامى/ اكلمك واسمع حسك واشكى غرامى/ واقوم اضمك مالقاشى غير أوهامى” ويغنى أيضا لحسين السيد: “مهما كان بعدك حيطول أنا قلبى عمره مايتحول/ حفترك أكتر م الاول بس انت إياك تبقى فاكرنى/ يامسافر وحدك”
وقبل أن انته من عبد الوهاب أحب أن أسوق ملاحظة، أن حديث الشوق والحنين فى الاغانى يخاطب الحبيب الناسى والقاسى والهاجر.. ولم نكن نعرف أن نظاما يسجن الناس بلا قانون ولا رحمة سيقوم بكل قسوة وهجر وفرقة بين المحبين
وأختم عبد الوهاب من كلمات امين عزت الهجين: “امتى الزمان يسمح يا جميل واسهر معاك على شط النيل؟/ الجو كله سكون والورد نام ع الغصون/ والقمر طالل علينا والعزول غاب عن عنينا/ وانا والجميل قاعدين سوا على شط النيل”

أما أم كلثوم فتغنى لرامى والسنباطى: “فاكر لما كنت جنبى والنسيم داعب غصون الشجر/ والغصن مال ع الغصن قال ما احلى الوصال للى انتظر/ والفرحة تمت للاحباب والغصن عانق حبيبه/ وانا اللى قلبى ف حبك داب من غير ما يبلغ نصيبه/ العين ترعاك والروح تهواك وياريتنى معاك/ زى الغصون لو بعدت يوم جه النسيم قرب بينها” وتغنى أم كلثوم أيضا للسنباطى ورامى: ” هلت ليالي القمر تعال نسهر سوا فى نور بهاه/ يحلي ما بينا السمر ويطول حديث الهوى سر الحياة/ يصعب عليه تفوت لياليه من غير ما شوف حسنك جنبي/
وابات على الايام أراعيه واشوفه يكبر مع حبي/ افضل أعد الليالي وأقول وصالك قريب/ وبات أصور فى حالي لما ألاقي الحبيب/ أقول أقابلك فين وابدا كلامي منين/ ولما أشوفك يروح مني الكلام وأنساه/ من فرحة القلب ساعة مايلاقيك وياه” وتغنى أم كلثوم لرامى والسنباطى: “سهران لوحدى أناجى طيفك السارى/ سابح فى وجدى ودمعى ع الخدود جارى/ نام الوجود من حواليا وانا سهرت ف دنيايا/ أشوف خيالك ف عنيا واسمع كلامك ويايا/ أتصور حالى أيام وليالى مرت على بالى”
أما عبد الحليم فيغنى من كلمات مرسى جميل عزيز ولحن منير مراد” بحلم بيك أنا بحلم بيك وبأشواقى مستنيك/ قد ماعمرى يطول ياحبيبى/ حستناك على طول يا حبيبى/ ليلى نهارى بقول ياحبيبى/ يللى محدش قالك ع الشوق اللى انا فيه/ بكرة الشوق يوصل لك وتجرب لياليه” ويغنى لمأمون الشناوى ولحن الموجى: ” لو كنت يوم انساك ايه افتكر تانى/ بالى وخيالى معاك وكل وجدانى/ الحب اللى فى قلبى و الدمع اللى فى عينى/ والنار اللى فى جنبى والشوق اللى كاوينى/ طول بعدك ولا مرة فاتونى/ لو انساك ازاى ينسونى/ لو كنت يوم انساك ايه افتكر تانى” ويغنى “جواب” من كلمات مرسى جميل ولحن كمال الطويل: ” حبيبى الغالى: من بعد الأشواق باهديك كل سلامى وحنينى وغرامى/ نور عينى روح قلبى حبيبى حياتى/ مشتاق لعنيك مشتاق لك مشتاق وانا لسة مقابلك/ وفى عز الشوق ياحبيبى وفى عز الليل باكتبلك/ لا لا قلبى اللى بيكتبلك هو اللى بيبعتلك/ الليل صحاه والشوق خلاه يكتبلك/ انا عايزك على طول يا حبيبى/ مش عاوز اشواقنا تطول يا حبيبى/ انا عايزك انا عايزك جنبى تسقينى وتشرب من حبى/ ولا نعرف بكرة من امبارح ولا دقة قلبك من قلبى”

وتغنى شادية من كلمات فتحى قورة ولحن منير مراد: ” انا قلبى معاك ثانية بثانية لوحتى تروح آخر الدنيا/ فرحته معاك أول فرحة مشتاق وحياتك للتانية/ حبعتلك كل دقيقة سلام من ساعة ما اصحى لحد ما انام/ وحقضى اليوم من بعد اليوم على فات كام يوم وفاضلك كام/ بس اوعى تغيب يا أعز حبيب”
وتغنى نجاة الصغيرة من كلمات الأبنودى ولحن عز الدين حسنى: “على طرف جناحك ياحمامى ح اربطلك مكتوبى/ واملاه اشواقى وسلامى توصلها لمحبوبى/ واحلف له يمين بعنيا الاتنين قلبى اشتاق له وبينده له/ من بعده انا عايشة لاحلامى وحنينى لحبيبى/ انا لا حنام ولا نوم حيجينى طول ماهو غايب كده عن عينى”
ويغنى محرم فؤاد من كلمات عبد الحميد سلام ولحن فريد الاطرش: “ياواحشنى رد عليا ازيك سلامات/ الليل شافنى لوحديه خدنى ف حضنه وسهرنى/ ونجومه بقت حواليا تحكيلى وتفكرنى/ بتفكرنى بلياليك بتفكرنى بايامك/ ياحبيب الروح والعين وح اشوفك امتى وفين؟”
ويغنى الشيخ إمام من الحانه وكلمات نجم: “انا اتوب عن حبك انا أنا ليا ف بعدك هنا؟/ انا بترجاك الله يعافيك ياشاغلنى معاك وشاغلنى عليك/ وان غبت سنة انا برضه انا لا اقدر انساك ولا ليا غنى ولا اتوب عن حبك انا”
وتغنى فيروز من كلمات وألحان زياد رحبانى: “سلملى عليه وقل له انى بسلم عليه/ وبوس لىً عنيه/ قل انى ببوس عنيه”
وأختم هذه الباقة من أغنيات الشوق والحنين بهذه الأغنية المتفائلة لنجاة والابنودى وبليغ: “مسير الشمس من تانى تنور فوق سنين عمرى/ وتصبح غنوتى تانى من تانى/ وترجع فرحتى لصدرى/ وحيجينى الربيع الاخضر شباب نشوان بيتمخطر مسير الشمس ياغالى/ وبكرة وردتى تطرح فى يوم ماتعود مع النسمة/ حبيبى بكرة راح افرح واتعجب على القسمة/ مسير الحب حايجيبك يجيب الفرحة لحبيبك/ سنة سنتين تغيب عنى لكن تهرب من الشوق فين؟/ وانا لو نارى تتعبنى راح اتحمل سنة سنتين/ لحد ما ترجع الأيام عليها شمس مش بتنام/ وحيجينى الربع أخضر شباب نشوان بيتمخطر
مسير الشمس ياغال

المصدر: صفحة الكاتب على فيسبوك